vacant 🔟⭕⭕⭕⭕

  എനിക്കു ധാരാളം കാളുകൾ  അതിരാവിലെ തന്നെ വരുന്നു. ലാൻഡ് ഫോണിന്റെ ശക്തമായ മണിയടിയൊച്ച കേട്ടാണ് ഞാനുണർന്നതു . വടക്കൻ ജില്ലകളിലെ കുറച്ചു സുഹൃത്തുക്കൾ തലസ്ഥാനത്ത് എത്തിയിട്ടുണ്ട്. അവരൊക്കെ ആകെ ബേജാറിലായാണു എന്നെ വിളിക്കു ന്നതു.   നല്ല തിരുവനന്തപുരം ബിരിയാണി എവിടെ കിട്ടുമെന്നു അറിയണം . സെക്രട്ടറി യേറ്റിൽ  വിവിധ ആവശ്യങ്ങൾക്കു യെത്തിയവരാണവർ! പണ്ടു  തിരുവനന്തപുരം   പട്ടണത്തിൽ നിന്നു ഷവർമയും, ബിരിയാ ണിയും കഴിച്ചു മരിച്ചു പോയ ചിലരുടെ പത്രവാർത്ത വായിച്ചിട്ടാണ്  ഇവരുടെ  ഈ പുകിൽ .   കുറച്ചു ദിവസങ്ങൾക്ക് മുൻപ്  കഴക്കൂട്ടത്തെ ഒരു ഹോട്ടലിൽ നിന്നു ബിരിയാണി കഴിച്ച  ഒരു ഡോക്ടർ പെണ്‍കുട്ടിയും, കോഴിക്കോട്ടുകാരൻ ഒരു എഞ്ചിനീയർ പയ്യൻ  പാർസൽ വാങ്ങി കൊണ്ടു പോയി തീവണ്ടിയിൽ ഇരുന്നു കഴിച്ചു  മയ്യത്തായി പോയ   കഥയും ഈ വന്നവർ അറിഞ്ഞിരിക്കണു .  തിരുവനന്തപുരം  എന്നു കേട്ടാലേ വടക്കന്  പേടിയാ, ഭക്ഷണം എന്തേലും മേടിച്ചു കഴിപ്പാനും,  ഗ്രൗണ്ട് വാട്ടർ എന്ന ഓമനപ്പേരിൽ വിളിക്കുന്ന കുഴൽ  വെള്ളം  വാങ്ങി കുടിപ്പാനും ഭയമാണു.  അതണു  ഈ അന്വേഷണം.  നല്ല ഹോട്ടൽ  ഇപ്പൊ ഇവിടെ ഏതുണ്ട്.    പുത്തൻ  തലമുറ ഹോട്ടൽ പലതിനേം കൊലപാതക കുറ്റങ്ങളും, വൃത്തികുറവും ചുമത്തി അടപ്പിച്ചു .  ഉടമകൾ പലരും അഴിയെണ്ണുന്നു.  മലബാറു കാരുടെ  ഇവിടുള്ള ഹോട്ടലുകളൊന്നും  ഈ വരുന്ന വടക്കർക്കു  വേണ്ടാ. മലബാറിൽ  കുഴിമന്തിയും, കിലോ തൂക്കു ബിരിയാണിയും എന്നും കുന്നും തിന്നു മദിച്ചാണിവരുടെ അവിടുത്തെ  ജീവിതം. അപ്പൊപ്പിന്നെ ബിരിയാണിക്കു വേറെ ഒരു ടേസ്റ്റ്  തന്നെ വേണം. അതുകൊണ്ടാണു   അവരൊക്കെ തിരുവനന്തപുരം ബിരിയാണി തന്നെ വേണമെന്നു ശഠിക്കുന്നത്. അതിനു എന്താ ഇപ്പോ ചെയ്യുക എന്നു ഞാനേറെ ചിന്തിച്ചു.  മൂന്നു കിലോ കോഴിവാങ്ങിയാൽ, പൂടയും, കൊക്കും, കാലും കളഞ്ഞാൽ, രണ്ടു കിലോ ആയി അതു കിട്ടിയാലായി.  കിലോക്ക് നൂറ്റിയെൺപതു രൂപ  വച്ചു മൂന്നു കിലോടെ പണം എണ്ണി കൊടുത്തേ പറ്റു .അപ്പൊ പിന്നെ വീട്ടിൽ വിളിച്ചു കേറ്റി  ഓസ്‌ ബിരിയാണി ഇവരെ എല്ലാവരേയും തീറ്റിപ്പിക്കാനും പറ്റുകയില്ല!!!!

മുമ്പ്  ...... തിരുവനന്തപുരം സിറ്റിയിൽ ബിരിയാനിക്കു മികച്ചതായി രണ്ടേ രണ്ടു ഹോട്ടലുകൾ മാത്രമേ ഉണ്ടായിരുന്നുള്ളൂ . വർഷങ്ങളോളം   ഇവ   ഇവിടെ   അത്ത്യുന്ന തിയിൽ പ്രവർത്തിച്ചിരുന്നു.   സെക്രട്ടറിയേറ്റിനു  മുമ്പിൽ ഉണ്ടായിരുന്ന ആസാദ് ഹോട്ടലും ,പാളയത്ത് മുസ്ലിം പള്ളിക്കും ,രക്തസാക്ഷി  മണ്ഡപത്തിനു നേരെ മുമ്പില് ഇപ്പോഴുമുള്ള താജ് ഹോട്ടലും . ബിരിയാണിക്കും, ബിരിയാണി ചായക്കും ഏറെ പുകഴ് പെറ്റിരുന്നത്  താജ് ഹോട്ടൽ തന്നെ ആയിരുന്നു .     തലസ്ഥാനത്തു വിവിധ ആവശ്യങ്ങൾക്കു എത്തിയിരുന്ന ഉന്നതരും മന്ത്രിമാരും ബിരിയനിക്കായി ആശ്രയിച്ചിരുന്നത് ഈ ഹോട്ടലിനെ ആയിരുന്നു .   രണ്ടു ഹോട്ടലും തുടങ്ങിയത് അന്പതുകളുടെ മദ്ധ്യത്തിലായിരുന്നു .   ദൂരെ ദിക്കില് നിന്നു ബിരിയാനി മേക്കര്മാരേയും, ടീമേക്കര് മാരേയും, ചെല്ലുംചെലവും കൊടുത്തു താമസ്സിപ്പിച്ചാണ്  താജ് ബിരിയാനി ഉണ്ടാക്കിയിരുന്നതത്രേ . പിന്നീട് പാളയം കണ്ണിമാറാ  മാർക്കറ്റിനു മുന്പിലായി ഒരുസീനത്തും, സലീമും,  സവോയി, വേണുഗോപാലനിലയം, അംബാസ്സിഡർ , ജാസ്സ് , ക്ലാസ്സിക്ക് , സംസം അങ്ങനെ നിരവധി ,നിരവധി ഹോട്ടലുകള് വന്നു .  പിന്നെ തലസ്ഥാനത്ത് ഉണ്ടായിരുന്നത് കണ്ണാടി പെട്ടിക്കുള്ളില് പരിപ്പുവട,കാരാവട, പഴംപൊരി , മോദകം ഒക്കെയുള്ള ലൊട്ടുലൊടുക്കു ചായ പീടികകളും  .. പിന്നെ പിന്നെ ബിരിയാനിക്കു ഓടി നടക്കേണ്ടിയും വന്നു ..അതാണ്ടെ വീണ്ടും മൊബൈല് റിംഗ് അടിക്കുന്നു ..  മലബാർ  സുഹൃത്തുക്കൾ ആണു ലൈനിൽ .  അവരാണ് വിളിക്കുന്നത്‌  .എന്താ ഇപ്പൊ പറയുക .പെട്ടെന്ന് അരമണിക്കൂറിനകം ഉണ്ടാക്കാവുന്ന ചിലവുകുറഞ്ഞ ദം ബിരിയനിയുടെ ഒരു ലിങ്കു അയച്ചുകൊടുക്കാം .. തിര്വോന്തരം ബിരിയാനി സ്വയം അവര്  ഉണ്ടാക്കി കഴിക്കട്ടെ!അല്ലാണ്ടിപ്പോ ഞാന് എന്നാ ചെയ്യാനാ മാഷേ  !

12 ഓഗസ്റ്റ് 2013  ലേ     ഈ എഴുത്തു  പുതിയ വായനക്കാർക്കായി   സ്നേഹപൂർവ്വം സമർപ്പിക്കുന്നു

  

പാളയം നിസാർ അഹമ്മദ്                           Copy ©rights all rights reserved📍                     Google Stat Counter weekly Analytics report പ്രകാരം വിവിധ രാജ്യങ്ങളിൽ ഏറെ വായനക്കാരുള്ളതു