🌹എൻെറ വസന്തം അഭിമാനത്തോടെ, അന്തസ്സോടെ തന്നെ വിടവാങ്ങാനൊരുങ്ങുന്നു

 

 വെള്ളിയാഴ്ച ഖുതുബ നമസ്കാരത്തിനായി ബാങ്ക് കേൾക്കുന്നു🚶 മെയിൻ റോഡിൽ   വാഹന തിരക്കിന്റെ പ്രളയം🚶ഒരു വാഹനത്തിനും ഒരിഞ്ചു മുന്നോട്ടു നീങ്ങാൻ ആവില്ല്യ🚶 ഹോണിന്റെം എഞ്ചിന്റേം ശബ്ദം കൊണ്ടു പള്ളിയും പരിസരവും ശബ്ദമുഖരിതമാണു 🚶തൊട്ടടുത്തു വലതു ഭാഗത്തായി രക്ത സാക്ഷികളുടെ ഓർമ്മക്കായി സ്ഥാപിച്ച ഒരു മണ്ഡപം ഉണ്ട്🚶ഇപ്പോ രാഷ്ട്രീയ പാർട്ടികളുടെ ഗോദ അവിടെയാണ്🚶ഒരു ചുവപ്പു പാർട്ടി പന്തലിട്ടു മൈക്ക് കെട്ടി ഗ്വാ ഗ്വാ വിളിക്കുന്നുണ്ടു 🚶ഇടതുഭാഗത്തു പള്ളിയോടു ചേർന്നു, ഗണപതി ക്ഷേത്രം ആണു🚶ബാങ്ക് വിളിക്കുന്ന ആൾ വല്ലാതെ വലിച്ചു നീട്ടുന്നു.......

                                  2️⃣കാൻസർ വന്നു അതി കഠിനമായ വേദനയാൽ നരകിക്കുന്ന ഒരാളുടെ മോർഫിൻ മരുന്നിനുള്ള വിലാപം പോലെ ആയിട്ടുണ്ട്‌ ചിലരുടെ യെങ്കിലും ബാങ്കുവിളികൾ🚶     പള്ളിയിൽ ബാങ്ക് വിളിക്കാൻ സ്ഥിരം ജീവനക്കാരുണ്ടു 🚶അവരല്ല  ഈ ബാങ്ക് വിളിക്കു പിന്നിൽ 🚶  നിസ്കാരത്തിനായി  വന്നു മൈക്ക് കൈയ്യിൽ കിട്ടിയ ഏതോ ഒരുത്തന്റെ ആവേശമാണു ഈ  ബാങ്ക് വിളിക്കു പിന്നിൽ 🚶ചെറുപ്പത്തിൽ പണ്ടു പള്ളിക്കു സമീപം താമസിക്കുമ്പോൾ ബാങ്ക്  കേൾക്കു മ്പോഴേക്കും എണീറ്റു പള്ളീലേക്ക് നിസ്കരത്തിനായി ഞാൻ ഓടി പോവു മായിരുന്നു 🗣️പ്രഭാതങ്ങളിൽ എത്ര തണുപ്പുണ്ടെങ്കിലും ,എത്ര മടി പിടിച്ചു കിടന്നാലും ആ ബാങ്കുകൾ എന്നെ സർവശക്തന്റെ സാമീപ്പ്യത്തിലേക്ക് എത്തിക്കുകയാണ് ചെയ്യുക 👤ചിലരുടെ ബാങ്കുകൾ എന്നെ വല്ലാതെ ആകർഷിക്കുമയിരുന്നു...🐦തെങ്കാശിക്കാരനായ ഒരു ഇമാം പണ്ടു അവിടെ ഉണ്ടായിരുന്നു .     പാളയം പള്ളി ഭാരവാഹികൾ ആയിരുന്ന എൻെറ അടുത്ത ബന്ധുക്കളാണു  തമിഴ് ഭാഷയിൽ മാത്രം സംസാരിക്കുന്ന ഏറെ അറിവുള്ള ആ ഇമാമിനെ അവിടെ കൊണ്ടു വന്നു നിയമിച്ചതു🥀  ഇരുപത്തി അഞ്ചു വർഷത്തിലധികം ആ ഇമാം പാളയം പള്ളിയിൽ ആ പദവിയിൽ ഉണ്ടായിരുന്നു അവിടെ💐പ്രൗഡ ഗംഭീരമായിരുന്നു ആ ശബ്ദം 💐 പലപ്പോഴും ബാങ്ക് വിളിക്കുക അദ്ദേഹം ആയിരുന്നു 💐വല്ലാത്ത ഒരു മാസ്മരിക ശബ്ദത്തിനു ഉടമയായിരുന്നു അദ്ദേഹം💐. നിസ്കാരത്തിനു ഒരു നേരം എന്നെ കണ്ടില്ലെകിൽ കൂടി തിരഞ്ഞു പിടിച്ചു കാരണം അന്വേഷിക്കും, അതായിരുന്നു ആ ഇമാം🚶

                                 3️⃣ഇസ്മെഴുത്തു, പിഞ്ഞാണമെഴുത്തു, അറബി മന്ത്രവാദം അങ്ങനെ ഒരുപാട്  വികൃതികൾ അല്പ സ്വല്പം ഉണ്ടായിരുന്നുവെങ്കിൽ കൂടി നല്ല സ്നേഹമുള്ള മനുഷ്യനായിരുന്നു ആ ഇമാം 🏃 പത്തു ഇരുപത്തി അഞ്ചു വർഷക്കാലം തെങ്കാശിക്കാരനായ ആ ഇമാമിന്റെ വെള്ളിയാഴ്ച ഖുതുബ പ്രസംഗം തമിഴിൽ മാത്രമായിരുന്നു. എൻെറ കുടുംബവും പരമ്പരയായി തമിഴ്ഭാഷ സംസാരി ക്കുന്നവരായിരുന്നു🌹രാത്രി ഇഷ നമസ്കാരം കഴിഞ്ഞു എന്റെ വീടിന്റെ മുന്നിലൂടെ വേണം ഇമാമിനു അദ്ദേഹത്തിൻെറ വീട്ടിലേക്കു പോകാൻ🏃എന്റെ വീടിന്റെ പിന്നിലാണ് ഇമാമിന്റെ താമസസ്ഥലം 🏃   എൻെറ വീടിന്റെ ഭാഗത്തു എത്തുമ്പോൾ  അദ്ദേഹം ഒന്നു നിൽക്കും 🏃അന്നു രാവിൽ  ഇഷാ നമസ്കാരത്തിനു എന്നെ കണ്ടില്ല 🏃അതിന്റെ കാരണം തിരക്കാനാണ് ആ നില്പു 🏃 വീടിന്റെ ഉള്ളിലേക്ക് നോക്കി നിസാാാർ എന്നു നീട്ടി ഒരു വിളി വിളിക്കും🧍 രാത്രി യിലെ ആ നിശബ്ദതയിൽ മ്യൂസിയത്തെ കൂട്ടിൽ കിടക്കുന്ന സിംഹം വരെ ചാടി എണീറ്റ് ഓടുന്ന തരത്തിലുള്ള താണു ഇമാമിന്റെ മുഴക്കമുള്ള ആ ശബ്ദം,  പിന്നാലെ ഉച്ചത്തിൽ ചോദ്യം വരും 🚶 "നിസാർ ,ഇഷാക്കു കാണല്ല്യെ ?" 🏃"അലിംസ മാമാ ,അതു വന്തു ,അതുവന്തു " എന്തേലും ടൂപ്പ് പറഞ്ഞു തലയൂരാൻ ഞാൻ നോക്കും💝തമിഴിലെ ചോദ്യങ്ങൾക്ക് തമിഴിൽ തന്നെ ഞാൻ ഉത്തരം പറയും💝 മിക്കപ്പോഴും ഹോം വർക്കോ പഠിക്കാനോ ഉണ്ടാവും അതാവും കാരണമായി ഞാൻ പറയുക💝ഞാൻ 'ആലിംസാ മാമ' എന്നാണു അദേഹത്തെ വിളിക്കുക💝എന്റെ ബന്ധുവോ സ്വന്തക്കാരനോ ഒന്നും ആയിരുന്നില്ല അദ്ദേഹം 💝 

                                      4️⃣വിവിധ ജില്ലകളിൽ നിന്നും തലസ്ഥാനത്തു ജോലിക്കു എത്തു ന്നവരും, മന്ത്രിമാരും, സിനിമാ നടന്മാരും ഉൾപ്പെടെ 3000 പേരെങ്കിലും കൂടുന്ന വെള്ളി യാഴ്ച ഖുതുബ നമസ്കാരം കഴിഞ്ഞു  ഞങ്ങ ളുടെ വീട്ടിൽ പാളയം പള്ളിയിലെ ഇമാമുമാർ ഊണിനു വരുന്ന പതിവു  ഉണ്ടായിരുന്നു🚶പ തമഴിലാണു ഖുതുബ പ്രസംഗം നടത്തുക🏃 പാളയം ജംഗ്ഷനിൽ അപ്പോഴേക്കും   തികഞ്ഞ നിശബ്ദതയായിട്ടുണ്ടാവും.  അടിയന്തിരാവസ്ഥനാളിൽ സ്പെഷ്യൽ ബ്രാഞ്ച് പൊലീസും, ഇൻറ്റലി ജൻസും പാളയം ഇമാമിന്റെ പിന്നാലെ ആയിരുന്നു 🗣️പത്തു മുപ്പതു വർഷത്തെ പാളയം ഇമാം ആയുള്ള ബന്ധുക്കളെ പ്പോലെയുള്ള അടുപ്പവും, സ്വാതന്ത്ര്യവും,പരിചയവും  ആലിംസ യുമായി ഞങ്ങൾ ക്കുണ്ടായിരുന്നു🚶 ഉമ്മയുടെ ബന്ധുക്കൾ "മുരീദ്" നേടിയവരും കവടിയാർ  രാജകൊട്ടാരവുമായി ഉയർന്ന പദവിയിൽ ഉണ്ടായിരുന്നതിനാൽ പള്ളിയിലും ആ സ്വാധീനം ഉണ്ടായിരുന്നു 🧍ആലിംസ നന്നായി തമിഴ് മുനാജാത്ത് പാട്ടുകൾ പാടുമായിരുന്നു 🚶പുള്ളിക്കാരനു ഒരു ഹർമോണിയം പെട്ടിയൊക്കെ അന്നുണ്ടു 🚶അതു മീട്ടിയാ പാടുക🚶വെറുതെ ഇരിക്കുന്ന സമയങ്ങളിൽ ഞാനും അതിലെ കട്ടകളിൽ വിരൽ ഓടിച്ചു നോക്കും 🚶ആ കാറ്റു വീശണ സൂത്രത്തിൽ പിടിച്ചു ആട്ടിനോക്കും 🚶എന്തൊക്കെയോ ട്യൂണ്‍ വരും🚶വരുന്ന ട്യൂണിനു ഒപ്പിച്ചു ഒരു പാട്ടു ഞാനും മൂളിനോക്കും  "യേ ദുനിയാ, യേ മെഹഫിൽ,  മെരേ കാം കീ നഹീം, മെരേ കാം കീ നഹീം......" ഞാൻ ഒരു പാട്ടു പാടും🚶ഹർമോണിയം പെട്ടിയിൽ നിന്നു വരുന്ന ട്യൂണ്‍ വേറെ ഒന്നും ! 🚶റ്റ്യൂണും, പാട്ടും ഒത്തു പോകാനായി അന്നൊക്കെ എന്നാലാവതു ഞാൻ ശ്രമിച്ചു നോക്കിയിട്ടുണ്ട്🚶പക്ഷെ നടന്നില്ല 🌶️ഇപ്പോഴും അതേ !!🚶

പാളയം നിസാർ അഹമ്മദ്‌ .
Copyright All Rights Reserved.
GOOGLE Analytics Weekly Report പ്രകാരം വിവിധ രാജ്യങ്ങളിൽ ഏറെവായനക്കാരുള്ളതു

R-N-A-M-06-01-2025 Monday